Liaba Gmoarat,
a bikepark muas aiso her. Machd si guad, is ja was füa d’Jugend. Frira samma in Woid aussi ganga und ham uns a Sprungschanz zammazimmat. Des ged heid nimma. Des muas d’Obrigkeit richtn. Weil de Schrazn koana vor da Hausdür ham wui, had ma an Park ausglagert. Und olle im Gmoarad schrein juhu!!!
Ja habt’s ihr no alle Tassen im Schrank. Glabd’s ihr wirklich de Kinda fahrn 5 Kilomeda auf da B472 damid’s üba an betonierten Roller springa kenan. Frogd’s doch amoi de Kinda, de zoang eich an Vogl. Das a Radlweg de näxdn 10 Jahr kimmd, des glabd ned amoi da Burgamoisda. Da nexde Vorschlag wead an Shuttelbus sei. Gaid spuid sowiso koa Roin, is ja ned des eigne. Aba vieleicht is des Gaid füa de Beteiligung am Gmunder Bikepark a blos de Aufnahmegebür für den Trinkwasserverbund.
Nix für Unguad, aba da Karl Valentin häd de hächste Freid.
Neueste Kommentare